قصة بدرية وسلطان حلوة والمشكلة طويلة

&&سامحتك يالغالي&& §§§سلطان و بدريه§§§ سلطان: شاب عمره 21 سنه طويل ابيض عصبي نوعا ما يدرس فالجامعه تخصص طيران ولد عم بدريه بدريه: شابه عمرها 18 سنه جذابه هادئه الطبع $البدايه$ ابو مشعل: هاه ياولدي ياسلطان وشكثر باقي لك وتخلص دراسه سلطان: مطول ابو مشعل: اجل بتعرس قبل ماتخلص دراسه ماني بمنتظر اكثر من كذا سلطان: بس يبه انا مابي اتزوج هالحين ابو مشعل: وش اللي يمنعك سلطان: ماني بمستعد ابو مشعل : هالكلام مايمشي علي انا بروح الجماعه يحتروني وليا رجعت نتفاهم سلطان بعد ماطلع ابوه كان قدامه طاوله عليها الشاي والقهوه ضربها فرجله من العصبيه وكسر الدنيا ماقلت لكم عصبي مشعل: عسى ماشر وش فيك سلطان: الا قل وش اللي مافيني مشعل: اكيد الوالد سلطان بعصبيه: من غيره مشعل: سلطان مهما كان هذا ابوك سلطان: بس مهما كان هذي حياتي وانا حر فيها اتزوج اخطب اسافر ادرس ماله شغل فيني مشعل: طيب اهدا انت وقلي السالفه سلطان: الوالد بيزوجني مشعل: وكل هالضجه مسويها عشان العرس من يحصله يعرس ويقول لا سلطان: انا ماني برافض الزواج رافض وقته ابي لين اخلص دراسه مشعل: سلطان حبيبي انت تعرف قبل سنتين معي وش صار بخصوص هالموضوع فماله داعي وافق واخلص من هالسالفه سلطان: صعب يامشعل مشعل: لا لوتدري من هي العروس سلطان: احلف تعرفها مشعل: عز المعرفه انا سمعت ابوي وعمي نايف يتكلمون فالموضوع سلطان: بدريه مشعل:ايه نعم بدريه سلطان: لاتقولها مشعل: ليه وش فيها بدريه سلطان: ماقلت شي على عيني وراسي بس صغيره مشعل: يارجال فهالوقت مافيه سن تزوج وامش سلطان: الله يستر بس مشعل: انت مكبر الموضوع زياده عن اللزوم سلطان: نسيت نفسك وش سويت فينا مشعل: انا ظرفي يختلف عن ظرفك انا كنت احب بنت عمتي والا نسيت سلطان قال فقلبه (بلاك ماتدري): تعال قلي تحب هدى مشعل: ايه والله احبها بشكل ياخي انت تزوج وراح تحبها مثلي بعد الزواج يتغير كل شي حتى نسيت منى وحبها سلطان: اااااه الله يهديك يايبه مشعل: بنادي للخدامه تنظف اللي كسرته قبل مايجي ابوي سلطان: روووح زين فبيت ابو حمد: ابو حمد: ياام حمد كلمني اخوي في موضوع ام حمد: خير انشا الله ابو حمد: خطب بدريه حق سلطان وانا ابيك تقولين لها ان ابوك اعطى كلمه لعمك ام حمد: بس بشاير توها صغيره وانت صدق اعطيت كلمه لبو مشعل ابو حمد: لا انتي بس قولي لها ام حمد: ابشر فغرفة بدريه: بدريه: هلا يمه : هلا فيك بدريه: بغيتي شي : بقولك موضوع وابيك تسمعيني زين بدريه: يمه خوفتيني وش فيك : عمك خطبك لسلطان ولده وابوك وافق بدريه: وشهو ورايي مو مهم : والله يابنتي اذا سكتي واخذتي سلطان ابوك راح يستانس وينبسط وانتي بكيفك بدريه: خلاص يمه قولي لبوي موافقه : الله يوفقك ويسعدك دنيا واخره طلعت ام حمد وهي مستانسه وتركت بدريه دمعتها على خدها انجرحت لأن محد اخذ رايها ولا عبرها وماتدري عن سلطان يبيها والأ مغصوب مثلها فغرفة مشعل مشعل: ابوي خطب بدريه لسلطان وعمي من شوي اتصل وقال ان بدريه موافقه هدى: بس اللي سمعته ان سلطان مايبي يتزوج مشعل: ابوي غصبه والا هو مايبي هدى: قم ودني بيت اهلي فبيت ابو حمد: هدى: السلام عليكم : هلا وعليكم السلام هدى: يمه وين بدريه :فغرفتها طلعت هدى لبدريه دخلت عليها وسلمت هدى: بدريه انتي موافقه بدريه: ايه ليش هدى: ليه توافقين بدريه: ليه مثل ماوافقتي انتي على مشعل هدى: بس سلطان كان مغصوب ليش توافقين بدريه: خلاص اللي صار صار هذا بدال ماتباركين لي هدى: اي اباركلك وش عليه بدريه: ____ هدى: شفتي هذي انتي تبكين قولي لي ليش تبكين بدريه: وانتي صدقتي يوم قالوا موافقه هدى: ماني فاهمه وش تقصدين بدريه: اليوم جتني امي وقالت ابوك وافق واعطى كلمه لعمك وش تبيني اقول اكسر كلمة ابوي وانتي جايه تلوميني هدى: طيب خلاص لاتبكين عشاني بدريه: خليني افضفض تعبت فبيت ابو مشعل: مشعل: سلطان تصدق بدريه وافقت سلطان: اكيد مثلي مغصوبه مشعل: لا صدقني مب مغصوبه سلطان: وش اللي خلاك متأكد كذا مشعل: لأن هدى اتصلت على بدريه وقالت موافقه انجنت هدى وقامت تهاوشها مانفع معها لين راحتلها سلطان: يمكن ابو مشعل : السلام عليكم : وعليكم السلام ابو مشعل:سلطان الملكه بعد اسبوع جهز نفسك سلطان: فهالسرعه ابو مشعل : خير البر عاجله مشعل : ابوي صادق هالحين عطله صيفيه مناسب الوقت تملك وبعدها بكم اسبوع تزف سلطان: ابشراللي تامر فيه ابو مشعل: تصبحون على خير : وانت من اهله مشعل : سليطين اشوفك عند ابوي ماشا الله ماعلى لسانك الا حاضر وابشروامر سلطان: اسكت ابوي يذكرني فأستاذ حسنين ايام الابتدائي الله يذكره فالخير مشعل: هاهاهاهاها للدرجه هذي مسوي لك استاذ حسنين رعب سلطان: ايه والله كان يدخل وفيده المسطره واذكر مره كنت انا وحاتم واقفين عند باب الفصل متأخرين عن الحصه مشعل: وش سوا فيكم سلطان: اول شي كان مب فاضي يشرح لما خلص جانا وقال: اعمل فيكو ايه ياقليلن التربيه قال حاتم: احترم نفسك حنا مربيين قاله: ماشا الله وبترد كمان طيب طيب ياحلو قد كلمتك وخذانا للمدير وطاح فينا تهزيئ وجلد ماننساه حتى اذكر استدعوا ابوي وابوي ماقصر معي مشعل:هاهاهاها يالله تصبح على خير سلطان: تو الوقت مشعل: انا رجال متزوج ماني مثلك يالعزوبي سلطان: والله العزوبيه احسن من غيرها طلع سلطان لغرفته وجلس يتذكر ايام الطفوله حاول يتذكر شكل بدريه لما كانوا صغار لكن ماتذكرها سلطان: اااه يابدريه ياترا وافقتي والا غصب سحر: مرحبا سلطان: بسم الله على قلبي اهلين سحر: الف مبروك ياسلطون سلطان: الله يبارك فيك بدري سحر: وانا وش دراني تو اتصلت فبدريه وقالت ليش ماتباركيلي سلطان: معقوله سحر: والله افتشلت اخت المعرس ولاتدري سلطان: هذا انتي دريتي ياحلوه سحر: يابختك فبدريه جمال وعقل وثقل وكل شي سلطان: والله صدق سحر: ايه والله بس حزت بخاطري كلمة بدريه سلطان: وشهي سحر: قلتله انا اوري سلطان ليش ماعلمني قالت لاتلومينه واحد مغصوب وتبينه يقول سلطان: انا ماني رافض بشاير لشخصها سحر: اجل سلطان: رافض فكرة الزواج سحر: كذاب على بالك ماادري سلطان: وش تدرين فيه سحر: سلطون انا اعرف انك تحب وحده سلطان: وش تتكلمين عنه اي حب اي وحده سحر: معالي سلطان: ماانكر اني احبها بس هذا سبب من عدة اسباب سحر: بس هذا السبب الرئيسي سلطان: اكيد بس شوفي ترا محد يدري حتى مشعل مايدري سحر: ادري بس مالها داعي تكذب علي سلطان: بدريه مابيها تعرف سحر: تطمن سلطان: بسألك بدريه تحب سحر: هاهاهاهاهاهاها سلطان: ماقلت شي يضحك سحر: ادري بس بدريه دايم تقول اخر شي افكر فيه الحب سلطان: ليش سحر: مدري عنها لاتزوجتها اسألها باي سلطان: باي فبيت ابو حمد: بدريه: صباح الخير حمد: صباح النور الله حي عروسنا بدريه: اي عروس الله يهداك تو الناس على هالحكي حمد: ماباقي شي كلها شهر وتفارقين بدريه: قل كذا تبي فراقي حمد: لا والله ماني بمتخيل ادش البيت واشوف مكانك خالي يابخت سلطان بدريه: قص علي بهالحكي حمد: هذا سلطان يتصل : هلا سلطان: هلا فيك اخبارك يالقاطع : انا والأ انت سلطان: انا ماني فاضي معرس : معرس باقي شهر يمكن تموت تهاجر تنمرض الله اعلم سلطان: كفانا الله شرك وش هالفال : هيه الأخت تقول انشا الله عدوينه سلطان: سلم لي عليها : الله يسلمك خلنا نشوفك سلطان: ابشر بدريه: وجع ليش تقول لسلطان كذا حمد: وش فيك يابنت الحلال اخوك ويبي يضبطك يسلم عليك الحبيب بدريه: الله لايسلمه ولايسلمك حمد: صحيح لا قالوا خير تفعل شر تلقا بدريه: بروح لغرفتي ابرك من مقابل وجهك حمد: افا طلعت بدريه لغرفتها وطلع حمد لشغله حمد: راجو تعال راجو: نعم بابا حمد: بابا وين راح راجو: شركه حمد: لا عزالله ربحنا هالحين بحصل زفه من الوالد عالتأخير الدائم انا اخبر لما كنت ادرس يعطون الطلاب جائزة الحضور الدائم شكل الوالد بيعطيني جائزة التأخير الدائم راجو: بابا مدرسه في اجازه شركه مافي اجازه حمد: وين الاجازه تجي وانا اصبح بوجهك كل يوم اذلف عن وجهي بس فبيت ابو مشعل: سلطان: صباح الخير أم مشعل: صباح النور والسرور سلطان: اخبارك أم مشعل: اخباري تمام الا انت وش مصحيك بدري مو خلصت سلطان: تعودت عالدراسه ويالله بمر حمد مااحصله الا فالشركه أم مشعل: انا بروح لبيت خالك انا وسحر سحر: سمعت اسمي خير سلطان: الواحد يقول صباح الخير مرحبا ام مشعل: بتروحين بيت خالك سحر: ايه بروح مشتاقه لمعالي سلطان: انا بوصلكم بطريقي سحر: فيه احد يروح هالحزه مسيار الناس نايمه ام مشعل: لا انا اتصلت فم عيسى وقالت ننتظركم عالغدا سلطان: يالله تجهزوا ببدل ملابسي واطلع راحت امه لغرفتها : سحر: سلطانوه سلطان: وجعوه خير وش تبين سحر: وش ناوي عليه سلطان: وش تقصدين سحر: انت فاهم قصدي زين سلطان: بيني وبينك ايه بشوف معالي سحر: وبدريه سلطان: اي بدريه اي بطيخ سحر: شف والله اذا ماجزت عن سوالفك لعلم ابوي سلطان: اعلى مافخيلك اركبيه فبيت ابو عيسى: ام عيسى: الله حي من جانا ام مشعل: الله يحييك سلطان: وشلونك خاله ام عيسى: بخير ياجعلك بخير سحر: معالي صاحيه ام عيسى: صاحيه فوق سلطان: انا استأذن لما طلع سلطان اتصل على معالي سلطان: صباح الحب معالي: صباح النور سلطان: وينك كنت عندكم ماشفتك معالي: داريه سلطان: اجل ليش معالي: سلطان سلطان: عيونه قلبه روحه معالي: خلاص سلطان: وش اللي خلاص معالي: انت عارف وش اقصد انت منت لي سلطان: بس انا مابي غيرك افهمي حسي فيني معالي:والله حاسه بس انت خاطب وبعد اسبوع بتملك انت اللي حس ارجوك تنساني سلطان: اذا معالي نست سلطان صدقيني سلطان ينسى معالي معالي: سلطان مو قلنا خلاص سلطان: خلاص بس بشرط معالي: وشهو سلطان: اذا قالوا لك سلطان خانك قولي غصب عنه معالي: ابشر يالغالي سلطان: وانتي اغلى يابعد دنيتي كله فمان الله لما سكرت معالي بدت تبكي طق الباب معالي: تفضل سحر: معالي وش فيك معالي: ااااه ياسحر سلطان سحر: وبعدين معاك منتي براضيه تنسين معالي: انسى صعب انسى سحر: حتى هو رافض بس غصب عنه معالي: الله يوفقه ويسعده سحر: هذا قدركم لازم ترضون فيه معالي: انا راضيه بس سلطان عجزت فيه سحر: عسى ان تكرهوا شيئا وهو خير لكم فشركة ابو حمد سلطان: مرحبا حمد: اهلين الله حي النسيب سلطان: الله يحييك حمد: وش فيك منت بطبيعي سلطان: لابس تعرف توي مخلص الامتحانات حمد: امش نروح بيتنا ناخذ راحتنا اكثر سلطان: وشغلك حمد: لحد يسمعك يضحك عليك انا بس ديكور فهالشركه سلطان: لا جد عاد حمد: والله ماعندي غير شرب الشاي وقراية الجرايد الوالد بس يبغاني كشخه لاجاه احد قال هذا ولدي الكبير رفض يكمل دراسته عشان يساعدني فالشغل وانا توقيع مااعرف اشخطه سلطان: الله يقطع سوالفك ياحميد والله اني مشتاقلك حمد: عسى تشتاقلك بدريه اقصد العافيه سلطان: هاهاهاها طلعوا الشباب وراحوا بيت ابو حمد: سلطان: مرحبا دحيم عبدالرحمن: هلا حمد: انا بروح ابدل وراجع سلطان: اخبارك وينك يارجال مالك بينه عبدالرحمن: انت عارف امس اخر اختبار والله يستر من النتيجه سلطان: اسكت انا مثلك عبدالرحمن: انا مارافع ضغطي غير بدريه سلطان يضحك: ليه عبدالرحمن: ياخي انا اجي معها من المدرسه ماقد شفتها قالت زفت او اخطيت ولا تقول اتحداك تجيب نسبه سلطان: هذا الناس الذوق دايم كذا عبدالرحمن: وش تقصد سلطان: ياخي مقصد شي واحد يمدح فخطيبته فيها شي عبدالرحمن: فهمني وش السالفه سلطان: مااقولك منت مع العالم امس خطبت بدريه والملكه الخميس والزواج بداية شهر ثمانيه عبدالرحمن: تصدق محد قالي وانا غبي امس شفت بدريه تكلم هدى وتقول انا موافقه وابوي ماغصبني بس ماسألتها سلطان: اللي ماخذ عقلك يتهنا فيه عبدالرحمن: ايه والله ماخذ عقلي سلطان: وشهو عبدالرحمن: مباراة الهلال والنصر فجده خايف ابي النصر يفوز سلطان: مالت عليك على بالي شي ثاني عبدالرحمن: شي ثاني مثل سلطان: يعني بنيه وانت ادرا عبدالرحمن: صدق ماتستحي بروح افطر احسن لي سلطان: الناس فهالوقت تغدا نادلي حمد فوجهك تأخر حمد: خير وين طالع عبدالرحمن: اخاف لاقعدت مع ولد عمك هالضايع اضيع باااي حمد: هاهاهاهاهاها وش فيه سلطان: ماعليك منه تعال اجلس حمد: هالولد مايحب يجلس مع احد منعزل عن العالم كليا سلطان: تفاجأ من شوي لما قلت خطبت بدريه حمد: على طاري بدريه مغصوب والا عادي اعترف سلطان: ليش تسأل حمد: لا بس بدريه باين ان هدى قايله لها ان سلطان مايبيك سلطان: بيني وبينك انا ماني رافض بدريه رافض فكرة الزواج من اصلها حمد: طيب ليش سلطان: تخيل نفسك متزوج ولا يمكن يجونك عيال وانت تدرس حمد: عادي مافيها شي سلطان: بلاك ماجربت حمد: الحمدلله الوالد اختصر علي الطريق وشغلني عنده اقصد صممني ديكور عنده سلطان: راضي على نفسك حمد: مو كل الرضا بس الحمدلله على الأقل احسن من غيري بكثير سلطان: صادق الحمد لله على كل حال حمد: يارجل فيه ناس مهي بلاقيه تاكل سلطان: الله يكون بعونهم عبدالرحمن: حمد امي تقول بتغدون هنا حمد: لا بنروح نتغدا برا عبدالرحمن: احسن سلطان: ياخي هذا بايعها مايهمه احد حمد: هذا عبدالرحمن من ربي خلقه فبيت ابو عيسى: معالي: انا بقول لبدريه كل شي سحر: انهبلتي انتي معالي: خليها تحس بلوعتي سحر: طيب المسكينه وش ذنبها معالي: وسلطان وش ذنبه ينغصب عليها سحر: هي اللي انغصبت عليه مو بهو يوم الخميس: ام مشعل: الف الصلاة والسلام عليك ياحبيب الله محمد قللوووش قللووووووووووشش سحر: الف الف الف مبروك يابدريه بدريه: الله يبارك فيك عقبالك سحر: اميييين بدريه: هههههههه كانت بدريه بالحفله جنان لابسه ثوب سكري وعقد ناعم الماس ورافعه شعرها بكرستاله ومكياج ناعم وردي هدى: بدوره مبسوطه بدريه: صدقيني مبسوطه سحر قربت من بدريه: تحملي معالي وصلت بدريه: وانا وش علي منها سحر: لا بس اخاف تقول كلمه مني مني وتصدقينها معالي: مسا الخير سحر: مسا النور معالي: هذي بدريه بدريه: وش قصدك معالي: لا مااقصد شي بس سلطان مايحبك يحبني معلومه ابيك تحطينها فراسك عدل بدريه: الحب مو مهم المهم التقديروالأحترام لو كان مقدرك ومحترمك كان واجه ابوه وتزوجك انقهرت معالي من كلام بدريه وراحت من غير ماتكلم بكلمه وحده سحر: صدق منتي بهينه كفو والله بدريه : تستاهل قليلة حيا بدال ماتبارك تسب دخل سلطان ومايدري وش قدامه سلم على امه وعماته وجا صوب بدريه ومارفع راسه سلطان: مسا الخير بدريه: مسا النور سحر: الف مبروك سلطان: الله يبارك فيك وعقبال ماشوفك عروس سحر: ااامين عاد ارفع راسك كحل عيونك فالقمر اللي قدامك رفع راسه سلطان وياليته مارفع شاف بدر لا ملاك يبتسم له ابتسامه مجروحه حزينه سلطان: اعطيني يدك بدريه : هاه سلطان: ماتبين دبلتك ياقمر مدت يدها وهي ترتجف من الخوف سلطان بجرأه لبسها وباس يدها بعذره ماينلام كل الحضور انهبل على هالثنائي الجميل وعلى حركة سلطان الأكثر من جريئه سلطان: انا مضطر اطلع تامرين بشي بدريه: سلامتك طلع سلطان وكان يتصنع الأبتسامه غصب وخصوصا لما شاف معالي ودمعتها على خدها تذكر حبه تذكر احلامه اللي انهدمت قدام عينه تذكر كلامه وعده لمعالي انه مايتخلى عنه ابد بس بنفس الوقت ارتاح لبدريه ولبسمتها البريئه (على فكره معالي طيبه وحبوبه بس حبها لسلطان خلاها تتهور وتسوي اللي سوته بس مهما كان هذا حبيبها وماترضا احد ياخذه منها ) طلع سلطان ودخل قسم الرجال حمد: بشر وش صار سلطان: كل خير حمد: بس وجهك يقول غير كذا سلطان: لا بس ارتبكت شوي حمد: وش رايك فبدوره سلطان: ماشا الله عليها حمد: يالله تصبح على خير سلطان: فمان الله طلع سلطان وراح البيت بعد ما خلصت الحفله دخل غرفته واخذ شور عالسريع وتعشا جلس في غرفته على التلفزيون جت جواله رساله فتحها من معالي مكتوب: علميهم ياعيوني كيف تحريق الضمير لابكيتي مالقيتي صاحب يمك دنا علميهم لاسهرتي وانحنى الجفن الكسير منهو بعد الله يعين منهو غير الله لنا عايشه بغربة زماني فاقده الشي الكثير مثل ذاك اللي غريب لاخوي ولاضنا وكاتبه تحت الف مبروك تأثر سلطان لما قراها بس حاول انه مايرسلها لانه بكذا راح يخون بدريه مهما كان صارت زوجته ومحسوبه عليه ومحسوب عليها قطعت حبل افكاره سحر سحر: هاي سلطان من غير نفس: هايات سحر: اللي يشوف وجهك مايقول ملكته قبل ساعه وزواجه بعد كم اسبوع يقول محكوم عليه اعدام بتهمة تهريب حمير سلطان: سحرتنكتين ترا ماني بفاضيلك وش تبين سحر: سمعت حبيبة القلب وش سوت فز من مكانه سلطان: من معالي سحر: هو فيه غيرها تخيل جت حذال بدور ولاحتى باركت قالت سلطان يحبني مايحبك تراه مغصوب عليك سلطان: طيب بدريه وش كان ردة فعلها سحر: طالعه علي بنت عمي وقفتها عند حدها سلطان: وش قالت سحر: قالت بكل ثقه الحب مو مهم المهم الأحترام والتقدير لو كان يحترمك ويقدرك كان وقف بوجه ابوه وتزوجك سلطان: تتكلمين جد سحر: ايه والله سلطان: معقوله بدريه هامها امري سحر: مدري اصلآ انا بنفسي استغربت سلطان: طيب معالي ماقالت شي سحر: ماقدرت تفحت فمها بكلمه لأن بدريه كانت واثقه من كلامها سلطان: والله وطلعت مو سهله هالبدريه وانا قلت صغيره وماتفهم سحر: انت معها ماتفهم سلطان: يالله حبيبتي من غير مطرود سحر: افا بس معليه عاذرتك تعبان وتبي ترتاح سلطان: عفيه عالشاطره سحر: هيه ماني بصغر عيالك حلوه ذي شاطره طلعت سحر وخلت سلطان يفكر بدريه سلطان: نفسي اعرف يابدريه انا وش اعنيلك بالضبط نام سلطان وعاش احلامه الورديه على امل يحققها فبيت ابوحمد: بدريه: يمه بروح اليوم السوق ويا هدى ام حمد: من بيوديكم بدريه: مشعل ام حمد: خلاص روحوا بس بغيتي فلوس بدريه: لا يمه عمي اعطى هدى المهر ام حمد: اشتري اللي تبغينه بس الذهب خليه انا بختاره لك بدريه: انشا الله فسيارة مشعل : بدريه: السلام عليكم : وعليكم السلام مشعل: اخبارك بدريه بدريه: الحمد لله بخير اخبارك انت مشعل : بخير ياجعلك بخير هدى: اي سوق نروح له بدريه: بكيفكم مشعل: هلا سلطان : هلا فيك وينك ناصر يبيك عندنا فالبيت مشعل: مقدر اجيك : ليش مشعل: معاي هدى وبدريه بنروح السوق سلطان: بدريه اي سوق بتروحوله مشعل: مالك شغل اجلس ويا ناصر لين اجي : زين باي هدى: هذا سلطان وش عنده مشعل: ناصر فالبيت عندنا ولما قلتله معنا بدريه سأل عن السوق اللي بنروحله هدى: هاهاهاهاهاهاهاها كلام مشعل ضحك هدى لكن ماحرك مشاعر بدريه لو شعره لأنها حاطه براسها فكره وحده تزوجت سلطان عشان ماتكسر كلمة ابوها وتفشله مع عمها راحوا السوق واشترت اللي تبي نزلوها البيت وراحوا بدريه: سولي روحي جيبي اغراض برا عبدالرحمن: الأخت من وين جايه ام حمد: راحت ويا هدى ومشعل للسوق عبدالرحمن: ليه ماعندها اخوان والا قلوا السواويق وراجو وش يسوي هنا يشرب شاي ويفصفص بزر بدريه: مالك شغل فيني عبدالرحمن: لاوالله ماتتخيلون وش كثر كان عبدالرحمن معصب ضربها كف حمد: بدوره وش فيك وكانت امهم تصارخ على عبدالرحمن ام حمد: انا مالي اهميه تضرب اختك قدامي ليه مافيه احترام حمد عصب وضرب عبدالرحمن طلع عبدالرحمن وبدريه كانت تبكي بغرفتها ساعتها قرر سلطان يتصل فيها اتصل بدريه ماانتبهت للرقم ردت على طول بدريه: الو سلطان: بدريه وش في صوتك تبكين ليش بدريه: عفوآ من معي سلطان: ماعرفتيني ماصدق بدريه: اسمع اللي فيني مكفيني واذا انت متصل تستهبل ماني بفاضيتلك سلطان: اعصابك انا سلطان بدريه: هاه انا اسفه ماكان قصدي سلطان: لا عادي بس قولي لي وش اللي يبكيك بدريه: لا بس متضايقه شوي سلطان: ماعاش من ضايقك يالغلا بدريه: سلطان غلطان فالرقم اتصل على معالي وقلها هالحكي لاتحاول تستغفلني وبعدين اذا عمي اجبرك عالزواج مني مااجبرك تتصل فيني سلطان: الله يهداك وش فيك من حقي اتصل واسأل عن اخبارك واسولف وياك صرتي زوجتي بدريه: زوجي على عيني وراسي بس تونا لاحقين عالسوالف سلطان: مااحب ازعجك اكثر من كذا فمان الله بدريه: فمان الكريم سكر سلطان من بدريه وحس كل كلمه قالتها طالعه من قلبها لكن ماله الا يصبر ومن صبر ظفر راح عند سحر سحر: اتصلت سلطان: اتصلت لكن معطتني وجه سحر: كيف سلطان: مدري كانت متضايقه وشكلها تبكي سحر: طيب ماسألتها وش فيها سلطان: سألتها بس لا مبالاه ماحبيت اثقل دمي اكثر فسكرت سحر: ياترا وش فيها سلطان: تكفين اتصلي وتطمني عليها اخاف فيها شي سحر:لهدرجه هامتك سلطان: اذا قلت لا اكذب سحر: مسرع محبيتها سلطان: لا عاد مو حب حب بس تقدرين تقولين ارتحت لها وصرت اخاف عليها سحر: ياعيني يابختها فقيس ابن الملوح سلطان: وانتي هذا وقت تنكيت اتصلي سحر: عناد فيك ماني بمتصله واذا هامتك اتصل فيها سلطان: مالت عليك يالدعله سحر: انا دعله هين ياسليطين سلطان: انا اتصلت بس بالعقل تبينها تقولي وش فيها يالله عاد اتصلي سحر: زين: الو : هلا سحر: اخبار عروسنا : زفت سحر: ليش : سحر والله مالي خلق سحر: لا صدق قولي لي : تهاوشت انا وعبدالرحمن سحر: هاهاهاهاها : وش فيه يضحك اخت سحر سحر: بدريه الله يهداك حمني الوغد تتضايقين عشانه : اقول حمد يناديني بروح اشوفه سكري سحر: باااي سلطان: وش فيها سحر: زوجتك وغد دحيم يذللها سلطان: اشوا على بالي شي ثاني سحر: مثل سلطان: مالك دخل بروح سحر: سلطان سلطان سلطان: خير سحر: عندي فكره تخلي بدريه تكلمك سلطان: وش هي سحر: تدخل النت وطلع نسبتها لانها شايله هم النسب سلطان: بس لو كانت طالعه النسب كان عرفت سحر: انت جرب حظك سلطان: تعالي نشوف سحر: فتحت النت تعال تحرك سلطان: كم رقم جلوسها سحر: وانا وش دراني عنها شف حرفها وانت تعرف سلطان: ايه والله هذا اسمها بدريه نايف ال____ سحر: صدق كم نسبتها سلطان: 97% سحر: طيب شف نسبتي سلطان: اقول روحي زين انا فاضيلك بتصل فيها ابشرها سحر: تكفى سلطون تكفى سلطان: اففف منك سحر: شفها سلطان كان مستعجل فجأه شاف اسم معالي نسبتها 98% سحر: شف معالي نسبتها اعلى من نسبتي ونسبة بدريه (سحر جابت 94%) سلطان تأثر وبين على ملامحه ولو كانت سحر مهي بموجود يمكن طاحت دمعته سحر: سلطان وش فيك سلطان مدنق راسه عطاولة النت ماتكلم سحر: انسى رفع راسه وقال :ااااه ياسحر حب اربع سنين وانسى مقدر مقدر ليه محد يفهمني سحر: فاهمتك بس مهما كان بدريه زوجتك سلطان: هذا اللي ذابحني سحر: اتصل فبدريه وبلغها بنسبتها سلطان: مالي مزاج اتصلي انتي وقولي لها طلع سلطان واتصلت سحر فبدريه وبلغتها بنسبتها وقالت ان سلطان هو اللي طلعها بدريه: معقوله سلطان بنفسه جايز ليش لا فالمقهى: ناصر: سلطان وش فيك منت على بعضك سلطان: هاااه لا مافيني شي حاتم: سلطان شكلك تعبان رح البيت ارتاح سلطان: صدقت يالله تصبحون على خير : وانت من اهله ناصر: مشعل وش فيه سلطان مو على بعضه مشعل: والله مدري بس من يوم ملكته وهو كذا حاتم: شايل هم الزواج لما طلع سلطان ماكان له خلق يرد البيت تفتل باالشوارع كان يحاول يغصب نفسه مايتصل على معالي لكن اتصل عجز يصبر سلطان: مرحبا معالي: هلا والله بهالصوت سلطان: ذبحتيني معالي: ليه سلطان: يوم تقولين خلاص ويوم تهلين فيني معالي: من اللي ذبح خويه انا والأ انت سلطان: انتي معالي: ومن اللي جرح الثاني سلطان سكت عبر بتنهيته قويه: اااااااااااه معالي: سلامتك من الأه سلطان: معالي معالي: عيونها سلطان كان صوته بالحيل متضايق قال: محتاجك معالي: وانا اكثر سلطان: ليه قدرنا كذا معالي: وش فيه سلطان: قاسي معالي: بالحيل سلطان: صدقيني مهما صار حبك محفور بقلبي معالي: اخاف بدريه تدفنه سلطان بتعصيب: تبطي وتحلم معالي: تحبها سلطان: منهي معالي: بدريه سلطان: لا بس بصراحه احس اني ارتحتله معالي: هذا اولها سلطان: قلتلك انتي الحب الأول والأخير معالي: تصبح على خير سلطان: وين تو الناس معالي: امي تناديني سلطان: اجل خلاص باي حبي معالي: باي سكرت معالي وحست انها تضايقت من كلام سلطان معاها وخصوصا لما قال : ارتحت لبدريه دخل سلطان البيت مشعل: يارجل وينك اتصل فيك مشغول سلطان: لا كنت اكلم واحد من الربع وتمشيت شوي ليش بغيت شي مشعل: لا بس انشغلت عليك انت طلعت من المقهى وقلت بتروح البيت وجيت ومالقيتك سلطان: ماتنشغل على غالي تصبح على خير مشعل: تلاقي الخير طلع سلطان لغرفته ومشعل راح لبوه مشعل: السلام عليك ابوه: وعليك السلام مشعل: يبه بكلمك فموضوع ابوه: خير انشا الله مشعل: كل خير انا يبه احس ان سلطان متضايق مايبي يتزوج ابوه: والمطلوب مشعل: بلاش هالعرس يبه انت شفت حالته لاتسر عدو ولاصديق ابوه قام معصب: هذا واحد يتدلع تبيني اروح لعمك واقوله مانبي بنتك ولدنا مايبي وش هالمسخره مشعل: انا مقصد كذا ابوه: سلطان شغله عندي وطلع لغرفة سلطان ومشعل يمشي وراه ويحاول يهديه دخل على سلطان مثل الصاروخ وسلطان كان جالس عالكرسي وسرحان فز لما شاف ابوه سلطان: يبه خير وش فيك ابوه: الا وش اللي مافيني ياللي ماتستحي سلطان: ليه وش مسوي ابوه: ياحرام مايدري تشكا عند مشعل وماتبي تعرس اسمعني زين حسك عينك اسمع منك هالكلام مره ثانيه وعناد فيك الخميس الجاي عرسك طلع ابوه وجلس سلطان مرتخي كأنها ازمه وعدت مشعل: سلطان صدقني ماقلت لبوي كذا بس هو فهمني غلط سلطان: وانا شاكيلك يوم تروح وتقوله تعرف ابوي مايعرف شي اسمه تفاهم ياخي مشعل: وانا وش دراني عنه سلطان: الله يهداك بس هالحين هذا وقته يقدم وقت العرس مشعل: وش معرفني انه بيقدم عرسك سلطان: حصل خير يابن الحلال احمد ربك انه ماقال هالحين بجيب بدريه مشعل: هاهاهاها ياحليلك والله متستاهل اللي يصير فيك باي سلطان: باي جلس سلطان يفكر فهالمصيبه اليوم الأحد وعرسه الخميس فكر انه يتصل فبدريه يزف لها هالخبر سلطان: مسا الخير بدريه: الناس فهالحزه تقول صباح الخير الله يهداك ضحك سلطان وارتاح لأن رد بدريه اعجبه سلطان: ولا تزعلين صباح الخير مع اني مدري كم الساعه بدريه: صباح النور والساعه وحده سلطان: الله تصدقين ماحسيت بدريه: المهم وش عندك متصل فهالوقت المتأخر سلطان: بزف لك خبر افرحني واتمنى يفرحك بدريه: خير سلطان: زواجنا الخميس الجاي بدريه: _____ سلطان: هيه وين رحتي بدريه: معك بس فهالسرعه سلطان: وش له التأخير بدريه: بس ماجهزت شي سلطان قل امزح تكفى سلطان: والله جد بدريه: وش فيك فرحان سلطان: واحد يلومني بخطف الخميس احلى وحده فالرياض بدريه: وبعدين معاك سلطان: معالي حبيبتي ليش منتي راضيه تصدقين بدريه: معالي سلطان: انا اسف زلة لسان بدريه: مهما حاولت صدقني انا متأكده مالي مكان فقلبك مثلك مالك مكان فقلبي ياسلطان مع السلامه سكر من بدريه سلطان: اوففف انا وش سويت سحر: هاي سلطان: وجعاي سحر: افا ليش وش فيك سلطان: اتصلت فبدريه سحر: حلو سلطان: اي حلو سحر: ليش سلطان: زليت وقلت معالي سحر: اااه منك تبي تكحلها سلطان: اعميتها سحر: طيب انت وشوله تتصل فيها مو قالت لك لاتتصل سلطان: وانا وش دراني قلت ابي ابلغها بموعد زواجنا الخميس الجاي سحر: واو الخميس الجاي فهالسرعه سلطان: اخوك خربها على اخر شي سحر: مشيعل وش سوا سلطان: هيه انتي وش مشيعل هذا اخوك عيب عليك امشي اذلفي عن وجهي سحر: مالت عساك بهالحال واردى سلطان: وش اللي اردى من هالحال نام سلطان وخلا بدريه مجروحه من كلمة سلطان اللي يتردد صداها فزوايا الغرفه وتفكر معقوله سلطان يحب معالي هالكثر بس مهما كان حتى هي سلطان مايهمها ولافكرت فيه بتاتا فبيت ابو حمد: ام حمد: طيب ابو مشعل وش معجله الله يهداه ابو حمد: والله مدري بس المهم جهزوا انفسكم مافيه وقت ام حمد: انشا الله عبدالرحمن: والله لو بكيفي مازوجتها هالصايع ابو حمد: ههههه ليش وش شايف عليه عبدالرحمن: بس كذا مااشتهيه من الله حمد: صباح الخير عالحلوين : صباح النور عبدالرحمن: حمد اخر خبر حمد: الصرصور في خطر هاهاها عبدالرحمن: بلا بياخه عاد واسمع عرس بدريه الخميس الجاي حمد: والله تكلم جد ابو حمد: دحيم مايعرف الكذب صادق حمد: وناسه ابو حمد: المهم شغلك ينتظرك افطر ورح حمد: يبه بمناسبة هالخبر السعيد معطي نفسي اجازه ابو حمد: لاوالله انت المعرس والا سلطان عبدالرحمن: هاهاها حمد: مافيه شي يضحك عن اذنكم ام حمد: دير بالك على نفسك فالطريق يمه حمد: انشا الله طلع حمد واتصل على سلطان حمد: صباح العرس : هاهاها صباح النور حتى العرس له صباح حمد: المهم تعال لي : اقول عاد تعال انت اعطيتك وجه حمد: ياخي ابوي رفض يعطيني اجازه : ههههه الله وهالشغل ميزانية الشركه نزلت والسبب بلعك لهشاهي حمد: اقول لاتقعد تطنز بتجي والا لا : خلاص بجي وانا اقدر ارفض لك طلب حمد: اااه منك يالعيار بس لاتأخر اخاف الشاي يبرد : هاهاها يالله جاي فبيت ابو حمد: ام حمد: هاه قولي لي وش ناقصك بدريه: ماينقصني شي ولاأبي شي ام حمد: وش فيك معصبه بدريه: مافيني شي بس خايفه شوي هدى: السلام عليكم : هلا وعليكم السلام هدى: اخبار عروستنا ام حمد: عروستنا خايفه هدى: وش منه ام حمد : مدري عنها اسأليها انا بروح اشوف الغدا هدى: يمه أم حمد: هلا هدى: انا حامل ام حمد: الف الف مبروك وفأي شهر هدى: الثاني بدريه: الف مبروك ولو انه مو بوقته هدى: هذي الخايفه بدريه: اسكتي بس هدى: ناقصنا الذهب بدريه: امي اختارته من امس هدى: صدق احسن خلصنا اجل ماباقي الأ خفايف وفستان العرس بدريه: سلطان اختاره هدى: والله بدريه: سحر قالتلي هدى: تمام بدريه: عنتر زمانه بيجب مصمم من لبنان يصمم الفستان هدى: اكيد مو هو طيار بدريه: استغفرالله وش دخل هذي بهاذي هدى: عاد انتي لادققيين طلعت وبس بدريه: هاهاهاها هدى: قولي لي يالعوبا سلطان يتصل فيك بدريه: يتصل وياليته مايتصل هدى: ليه بدريه: بس فشركة ابو حمد: سلطان: اقول طقت كبدي من مقابلة وجيه الموظفين امش خلنا نطلع حمد: ابوي يرفض سلطان: ياخي قله اي شي حمد: اسمع بقوله بروح مع سلطان بختارله دشداشة عرسه سلطان: وش قالوا لك وغد حمد: المهم يارجال عذر سلطان: يالله رح قله الله على هالأبوان مسببين لنا رعب حمد: والله ابوي ارحم من عمي بألف مره سلطان: صدقت دخلوا وسلم سلطان على عمه ابو حمد: سلطان عندنا اليوم حمد قرب لسلطان: قل لبوي بأخذ حمد يختارلي سلطان: عمي استأذن منك بأخذ حمد معي ابو حمد: وليش انشا الله حمد: بختارله لبس العرس ابوحمد: رح بس لاتأخر ارجع قابل شغلك سلطان بصوت واطي: الله وهالشغل حمد: اسكت لاتفضحنا سلطان: توصي على شي عمي ابو حمد: سلامتكم طلعوا وبدوا بالضحك حمد: ياخي تقول واقفين قدام مدير مدرسه سلطان:لا استاذ حسنيين حمد: تراك اذيتنا فأستاذ حسننين كل مابنساه ذكرتني سلطان: ومن يقدر ينساه حمد: يالله اركب سلطان: وسيارتي حمد: تاخذها لارجعنا سلطان: اوكي حمد: وين تبينا نروح سلطان: وتسأل بعد ماعلى ساس تختارلي حمد: عمرك لاأخترت انشا الله قلت كذا عشان اطلع سلطان: حمدوه والله اذا مارحت للخياط لتصل فعمي واقوله حمد: روح زين سلطان: صدق ماتستحي على وجهك حمد : طالع على ولد عمي فبيت ابو مشعل: سحر: يمه ثوبي مايخلص للجمعه ام مشعل: روحي لها وحاولي معها هدى: عند اي مشغل ثوبك سحر: قمر15 مشعل: قمر مخسف سحر: وش قصدك لو هي هدى كان خقيتها مشعل: شي اكيد تقارنين نفسك بهدى هدى: احم احم هدى: يمه شوفيهم أم مشعل: انا مالي شغل اخوان وبينكم سلطان: سلام مشعل: اهلين وينك من الصبح هدى: اكيد عند حمد سلطان: وش دراك هدى: لاني من شوي كنت عند اهلي وسمعته لما اتصل فيك سلطان: يالعياره وانا سألك وين طالعه هالصبح قلتي للمستشفى مشعل: احترم نفسك زوجتي راحت المستشفى بعدين مرت اهلها شوي وجت ابشرك سلطان: بشر مشعل: راح تصير عم سلطان: صدق الف مبروك وعقبال مااصير ابو سحر: قطع مستعجل سلطان: مالك شغل سحر: سلطان ثوبي مايطلع الا الجمعه وش اسوي سلطان: باالله وش تبيني اسوي اهز مصري والا ادبك سوري سحر: تستخف دمك اتكلم جد انا مشعل: يقلد حمد بمزحه هدى: قصدك متأثر فحمد سلطان: هاهاها ضحكتوني وانا مالي نفس طلع لغرفته وانسدح على سريره يبي ينام لأنه البارح مانام زين اتصل فمعالي مره مرتين ماترد حط راسه ونام فبيت ابو حمد: عبدالرحمن: انا اسف بدريه بدريه: بدري حمد: احمدي ربك جا واعتذر بدريه: خلاص سامحتك عبدالرحمن: يالله اشوفك على خير بسافر جده بدريه: متى راجع عبدالرحمن: بعد اسبوع بدريه: ليش وش عندك عبدالرحمن: مباراة الهلال والنصر بحضرها وبتمشا لي اسبوع ويا ربعي بدريه: يعني منت بحاظر عرسي عبدالرحمن: الف مبروك وبعدين حمد يكفي ويوفي بدريه: مباراة النصر اهم مني حمد: تقدرين تقولين كذا عبدالرحمن: انت مالك شغل وقلتلك هالملسون زياده ونص فمان الله بدريه: فمان الكريم حمد: تبيني اوصلك تراني بالخدمه عبدالرحمن: لا مشكور راجو يوصلني حمد: سلم على ياسر والشلهوب اسف قصدي الحارثي والتون عبدالرحمن: ياثقل دمك ياخي نزل عبدالرحمن ودع ابوه وامه وسافر لجده حمد: هذا انت الله حيه سلطان: الله يحييك حمد: وش عندك اشوف مكثر جياتك سلطان: التافه وين رايح اشوف معه شنطه حمد: من دحيم مسافر جده سلطان: وش عنده حمد: ابشرك مب حاضر عرسك سلطان: ابرك حمد: والله ماامزح سلطان: لا عااااد حمد: ماتشوف شنطته بكبر المملكه سلطان: وش طاري عليه حمد: بيحضر مباراة النصر والهلال سلطان: والله مو صاحي يروح لجده عشان قراعيط ياسر حمد: لاتغلط انا هلالي هو نصراوي سلطان: هاهاها اسفين حمد: ادخل سلطان: لا بغيتك توصل بدريه المشغل عشان المقاسات حمد: وانت وجهك تو تأخذ مقاسات سلطان: لا جاهز بس يخيطونه بيوم واحد يالله انتظرك حمد: وانت انشا الله بتروح ويانا سلطان: اكيد حمد: ليه مباري العريس سلطان: هذا انت قلتها انا العريس يعني انت مباري العريس حمد: اقول رح بدريه تستحي سلطان: انا بسياره وانت بسياره وبعدين ممنوع الدخول للرجال فالمشغل مع ان المصمم حقهم رجال حمد: مادام ماتدخل بس تقطقط وجهك عند الباب وش له تروح سلطان: اقول لايكثر واخلص حمد: بدريه بدريه ام حمد: بدريه مي بموجوده حمد: لا وينها فيه ام حمد: راحت مع هدى وسحر للسوق وياراجو حمد: خلاص سلطان: وين بدريه حمد: يافرحه ماتمت سلطان: لاتقولها حمد: والله رايحه مع هدى وسحر سلطان: وهذلي وبعدين معاهن وين ماروح بوجهي وش هالحظ حمد: خيرها فغيرها سلطان عصب: والمقاسات من بياخذها انا حمد: اعصابك ياخي فضحتنا فيه عندنا جيران ادخل وصارخ على كيفك سلطان طلع وترك حمد حمد: هذا من كل عقله معصب شاف جوال سلطان طايح خذاه ودخل عليه سلطان سلطان: نسيت جوالي حمد: هذا سلطان: خليني اتصل على هالدعله يوصلن بدريه المشغل تأخذ مقاساتها سحر: هلا : اسمعي بعد نص ساعه اجي المشغل وابغى بدريه موجوده فيه سحر: هيه انت اي مشغل وليش بدريه : اقول سكري لاينرفع ضغطي حمد: انت وش فيك معصب مدام تقول انه بيوم واحد ويخلص باقي عالعرس يومين سلطان: المصمم جايبه بس يومين فعشرين الف ريال وماتبيني اعصب حمد: الله كل هذا وش له حرام عليك هذا انت مغصوب بهالحكي سلطان: مهما كانت الظروف هذي زوجتي وابي اشوفها اجمل مخلوقه بالدنيا حمد: ياعيني سلطان: امانه بعد صلاة المغرب تجيبها تكفى حمود حمد: ابشر ولايصير خاطرك الأ طيب بس انت روق سلطان: لاتلومني حمد: الله يلوم اللي يلومك سلطان: انت الوحيد اللي فاهمني ياعلني مبكيك حمد: ماتبكي غالي انشا الله سلطان: اروح اطمن حمد: تطمن يابن الحلال وهذي جلسه عند الباب لين تجي بدريه فتح سلطان الباب وطلعت بوجهه بدريه بدريه: بسم الله سلطان: بسم الله على قلبك مابغيتي تاصلين حمد: يالله يالله بدريه قربت من حمد وين اروح حمد: تأخذين مقاسات فستان العرس سلطان: هلا : متى بتوصل اخ سلطان سلطان: انشا الله مسافة الطريق وجاي : اوكي باي حمد: من سلطان: سكرتير المصمم يالله خلصونا حمد: الله يعين بدريه عليك عصبي سلطان: بنروح فسيارتي حمد: وانا وش يوديني زوج وزوجته سلطان: تعرف المثل اللي يقول ياداخل بين البصله وقشرتها مايحوشك الا ريحتها حمد: اركب بس اركب ركبوا ووصلوا المشغل نزلوا سلطان: بدريه خوذي الكرت عشان يعرفون التصميم خذت بدريه الكرت ودخلت خذوا المقاسات وطلعت حمد: خلصتي بدريه: خلصت سلطان: خلصت ايام عدوينك بدريه من غير نفس: ومن قال حمد: يالله ذبحني الحر بسكم مغازل سلطان: ياحرام يالغيره نزل سلطان حمد وبدريه بيتهم وراح بدريه: الله يرجكم ليش داخلين حوش الحريم حمد: لأن الشيخ سلطان يبيك بدريه: لاوالله ليش مادخلته غرفتي بعد حمد: والله ودي بس ماجت عالكيف بدريه: وبعدين وش فيه اتصل فهدى وسكر فوجهها حمد: اسكتي شبت حريقه بدريه: وين فحوشنا حمد: هاهاهاها اقصد عصب سلطان لما مالقاك بدريه: الله يقطع ابليسك خوفتني حمد: خلينا ندخل بكلمك فموضوع بدريه: هذا احنا دخلنا قل وش عندك حمد: اسمعي يابدوره باقي لزواجك يومين ابيك تنسين اللي صار وتعيشين حياتك من جديد بدريه: كيف انسى وهو مغصوب علي حمد: لاتنسين انك حتى انتي مغصوبه عليه وثنيناتكم مغلوب على امركم بدريه: بس سلطان ظرفه غير عن ظرفي حمد: وشهو بدريه: اقولك بس توعدني ماتفتحها سيره مع سلطان حمد: وعد بدريه: سلطان يحب معالي بنت خاله من اربع سنين حمد: معقوله اربع سنين وانا اخر من يعلم افا ياسلطان بدريه: وتلومني حمد: مدري شقولك بس ماكنت عارف بدريه: صعبه حمد: بس مهما كان قدري موقفه الرجال يحب بدريه: هذا اللي حاز فخاطري وشلون ينساها حمد: انتي تقدرين تملكينه بحبك واحترامك له وافكارك شيلها بدريه: بحاول حمد: وانا بحاول ماأفتح الموضوع مع سلطان بدريه: انت وعدتني حمد: مقدر اسكت بدريه:بكيفك كانك صادق اذبحه عاد هميته انت مفكر فيك اتصل حمد على سلطان وطلب يشوفه سلطان: وش فيك خوفتني حمد: لاتخاف هالحين امش نجلس فمكان مثل الناس تبينا فالشارع نسولف سلطان: طيب ماقلت شي امش حمد: خلنا نروح المقهى سلطان: هالحين تبيني فموضوع وتبينا نروح المقهى الشباب مايخلونك حمد: خلاص اي مكان سلطان: تعال ننزل هنا حمد: وين فالمطعم هذا سلطان: ايه انزل بس حمد: يالله سلطان: وهذا احنا جلسنا قول وش عندك حمد: بدريه وش تعنيلك سلطان: وهذا سؤال حمد: جاوبني بصراحه سلطان: بصراحه انا صحيح مغصوب عليها بس مهما كان زوجتي وام عيالي مستقبلا حمد: ومعالي سلطان: حمد الله يهداك وش فيك سامع شي قلي انا سلطان حافظ سرك وخوي دربك حمد: وأنا حمد يالخوي سلطان: اذا قصدك معالي محد يدري عنها الاسحر ماحبيت اقول لحد لين يصير شي رسمي وماصار حمد: وبدريه وش دراها سلطان: معالي جتها فالخطبه وقالت لها حمد: بس بدريه كلام معالي مادخل مزاجها سلطان: اجل حمد: احس سامعه منك صارحني سلطان: ايه مره اتصلت فيها وغلطت وقلت معالي حمد: حرام عليك انت وابوي وعمي وهدى وعبدالرحمن ارحموها تراها مثلكم بشر سلطان: صدقني غصب عني زلت السان حمد: سلطان اسمع بقولك كلمه وحطها فراسك عدل بدريه بكفه والعالم بكفه ضحكتها عندي بالدنيا كلها اذا زل لسانك ثاني مره صدقني بتندم سلام سلطان: وين اوصلك حمد: البيت قريب باي طلع حمد وطلع سلطان بعده بشوي متضايق من كلام حمد وطريقة كلامه اتصلت معالي سلطان: هلا معالي: كيفك ياحلو سلطان: معالي اسمعيني زين انا متزوج وخلاص رقمي انسيه معالي: انا معالي سلطان: انت من الماضي خلاص انسيني ببدا حياتي وسكر مايدري ليه قال هالكلام بس تأثر بكلام حمد وحس ان بدريه انسانه لازم يعطيها حقها واتصل فبدريه سلطان: مسا الشوق بدريه: مسا النور سلطان: هاه قولي لي وش رايك فالفستان بدريه: ماعجبني سلطان: خلاص هالحين بروح اغيره بدريه: هاهاها صدقت امزح معك حلو يعطيك العافيه سلطان: اشوا يابنت الحلال خوفتيني بدريه: انت تخاف سلطان: عليك بدريه: ____ سلطان: بدريه معاي انتي بدريه: معك سلطان: ادري بتقولين هذا ماخذني لعبه عندي لا صدقيني اعزك واحترمك مهما كان انتي زوجتي وابيك تنسين شي اسمه معالي بدريه: اذا انت نسيتها سلطان: مااوعدك بس صدقيني احاول حطي نفسك بمكاني صعبه بدريه: ادري هذا حب مو لعب تنساها بهالسهوله ومقدره ظرفك سلطان: انتي الوحيده اللي فاهمتني بدريه: بس انا من يفهمني سلطان: افا وانا وين رحت بدريه: صعب افهمك لأني انا بنفسي مغصوبه عليك وشلون تفهمني سلطان: لا ماهقيتها تطلع منك يابنت العم انسي اللي صار بدريه: انشا الله سلطان: تامرين على شي بدريه: سلامتك سكرت بدريه من سلطان كان ودها تصدق كلامه بس مادخل مزاجها كان ودها تغليه بس ماقدرت مالها الا تحاول وبعدين كان ترد عليه وتسايره وتأخذ وتعطي معه فالكلام عشان حمد بس فبيت ابو مشعل سحر: اشوف الأخ مبسوط ويغني سلطان: واللي يكلم بدريه ماتبغينه يستانس سحر: عجيب سلطان: لا عجيب ولاشي زوجتي وبكيفي سحر: سبحانه يغير ولايتغير سلطان كان يحاول يغلي بدريه لان كلام حمد اثر فيه بس هو للحين فدوامت معالي مو قادر يطلع منها لكن تعاهد مع نفسه على انه ينساها فبيت ابو حمد: ام حمد: يمه حمد ماتدري عن اخوك حمد: ماكلمني من راح ماغير فهد اول ماوصلوا اتصل وبلغني ابوحمد: فهد رايح لا عزالله راح الولد ام حمد: وليه وش فيه فهد حمد: مايقصد شي الوالد بس امه انتي ادرى فهد ولد أخوك واعرف منه ام حمد: اعرف وشو حمد: يمه علينا نص شباب الرياض صايعين والسبه ابوعراده ولد اخوك بدريه: هاهاهاها حرام عليك مو لدرجه ذي ام حمد: بروح انام القعده معكم تقصر العمر ابو حمد: ليه ياحمد ازعلت امك بدريه: ايه والله ثقلت عليها شوي حمد: انا ماقلت شي كذب كل اللي قلته صدق بدريه: ندري وين حنا رايحين عن فهد حمد: اه منك يالعياره قدام امي حرام عليك ابو حمد: يالله تصبحون على خير ياعيال : وانت من اهله حمد: اتصل فيك سلطان بدريه: ايه ليش حمد: لا بس قالي ودي اتصل بس اخاف ماترد تصبحين على خير بدريه: تلاقي الخيرمعقوله سلطان تغير والله مدري احساسي يقول مستحيل يتغير مرن هاليومين على سلطان وبدريه سنتين من الخوف والتوتر وحل موعد العرسان يوم الخميس ابو مشعل: الف الف مبروك ياسلطان ابو حمد: مبروك وماوصيك على بدريه سلطان: الله يبارك فيكم ولاتوصي ياعمي بدريه فعيوني حمد: الف مبروك عقبالي سلطان: هاهاها مستعجل فقسم الرجال ناس يباركون وناس يتبخرون وناس يتقهوون والكل مبسوط ومستأنس فقسم الحريم انزفت بدريه على اغنية هنونني هنونني كانت بدريه جنان وتصميم الفستان روعه والمكياج والمسكه والطرحه كلها جنان وكانت الأغنيه وتصميم الكوشه من اختيار سلطان الكل انبهر من فضاعة المنظر ام مشعل: الف مبروك هدى: مبروك حبيبتي سحر: عقبالي انشا الله ام فهد: عالبركه ياسمين: مبروك بدور ام عيسى: الف مبروك الكل يبارك ومبسوط ولكن بدريه ماسكتت من البكا سحر: بدور وجع خربتي مكياجك هدى: خلاص عاد فضحتينا هالحين يقولون بنتهم فيها شي ام حمد: خلوها على راحتها هدى: يمه الله يهديك هذا بدال ماتسكتينها وبدا الرقص والطق سحر: وناسه ياحرام ياهدى ماتقدرين ترقصين هدى: ومن قال سحر: حبيبتي مشعل موصيني عليك هدى: فديته اشتقتله سحر: بدينا رومنسيات بدور تعلمي بدريه ماتكلمت بحرف واحد قبل كان عندها عادي بس لما صارت اللحظه خافت فقسم الرجال: ابو مشعل : ابوي سلطان ادخل وخذ مرتك تأخر الوقت حمد: اتصل فهدى وقلها سلطان: لا بدخل فجأه حمد: استغفر الله والحريم مايبغن يتغطن سلطان: بكيفهن حمد: طس سلطان: ادعلي حمد: اقول رح زين : الو حمد: زين طرينا مبروك فوز النصر ماعليه حنا اعطيناكم الفوز هديه : حمد خلني اتكلم حمد: حمني صوتك مب طبيعي النصر فايز يادلخ : الله يلعن النصر والهلال ويلعني اذا رحت مره ثانيه حمد: وش فيك خوفتني : انا فقسم الشرطه حمد: الشرطه ليش وش مسوي : انت تعال ونتفاهم حمد: انت وجهك الساعه 11 الحجوزات سكرت هالحين : تعال فسيارتك حمد: ياحبيبي مافيني شده على هالمسافه خلني اقول لبوي يتصرف : لا واللي يرحم والديك اذا درى ابوي رحت فيها حمد: والله من راح معك فهود حسني قلبي بتسوي مصيبه انا هالحين بدخل مع سلطان ينتظرني : وانا وش اسوي حمد: انت خلك فقسم الشرطه وانا بروح قسم الحريم اوكي : وانت هذا وقت تنكيتك انا وين وانت وين حمد: بكلمك بعد شوي سكر هالحين : تكفى لاتخليني حمد: ابوي ابوي جا سكر سلطان: سكر حمد: مسكين خوفته فبوي وسكر دخلوا الشباب وسلموا عالحظور وراحوا صوب بدريه حمد: الف مبروك يابدير بدريه: يبارك فيك ربي سلطان: مسا الخير بدريه: مسا النور حمد: انا بروح اشوف وجيهكم على خير ام مشعل: الف مبروك ياولدي سحر: الف مبروك ام حمد: مبروك هدى:عالبركه سلطان سحر: ربي يبارك فيكم لبسها الشبكه لبسها وقصوا الكيكه اللي عليها صورة سلطان ومكتوب فيها سلطان وبدريه سلطان طلع هو وزوجته ووصلوا البيت سلطان: تو مانور المكان بدريه: منور بوجود اهله سلطان: الف الف الف مبروك بدريه: الله يبارك فيك سلطان: منتي جوعانه بدريه: لا سلطان: انا ميت جوع جابوا العشا وتعشا سلطان وبدريه ميته جوع بس مستحيه سلطان: وش رايك فغرفتي بدريه: حلوه سلطان: كان ودي نقضي الليله فالفندق بس الوالد الله يهديه بدريه: عادي سلطان: بدريه على فكره بكرا طيارتنا ماليزيا بدريه: ____ سلطان: وش فيك شكل مهو بعاجبك بدريه: بصراحه ماودي سلطان: طيب ليش بدريه: ماسمعت سالفة حمد ومها سلطان: خايفه علي بدريه: ___ سلطان: بدريه وبعدين اسحب منك الكلام تسحب انا زوجك بدريه: لا عادي سلطان: تدرين انا بطلع شوي على ماتغيرين شكلك منتي بمرتاحه فيه طلع سلطان وغيرت بدريه اخذت شور عالسريع وحطت مكياج خفيف ولبست قميص نوم ناعم لونه موف عليه تطريز خفيف سكري وتعطرت من عطر كوكوشانيل وجلست تناظر فنفسها قالت : اه يابدريه راح شبابك مع واحد مايستاهلك والتفتت شافت صورة سلطان جت صوبها ومسكتها بيدها تناظره دخل سلطان وطاحت منها الصوره

اسفه ما كملتها

تسلم اديكي يا عسوله